Deilig er den himmel blå - adventskonsert med Volve Vokal

Volve Vokal fyller 15 år i 2021. I løpet av desse åra har vi utforska sjangeren "jolekonsert" på ulike vis.

Gjennom eksperimentering med repertoarval og scenisk uttrykk har Volve sine jolekonsertar etter kvart blitt ein heilt eigen tradisjon. Folketonar i moderne drakt, nyare komposisjonar over kjente og kjære tekstar og Mariamusikk - alt sydd i hop til ei heilskapleg konsertoppleving. Vi kan ikkje tenkje oss ei advent utan.

Under årets konsert slepp vi også vår nyleg innspelte EP "Deilig er den himmel blå".

Tittelen er henta frå stykket med same namn, nyskrive av Irene Adolfsen Wenæs. Stykket vert urframført denne kvelden.

Dirigentar: Thea Meidell Sjule og Gro Espedal

Regi: Hild C. Vang