Gro Espedal er utdanna ved Høgskolen i Bergen og Griegakademiet, institutt for musikk ved Universitetet i Bergen. Ved sida av Volve Vokal underviser Espedal i song på Bergen Kulturskole, og dirigerer Bjørgvin Jentekor, Vokalgruppen Kling og Bergen Ungdomskor. Sentralt i arbeidet hennar står klang, frasering, formidling og visuell utforming av musikken.

Espedal har lang og variert erfaring som dirigent og songpedagog, og har mellom anna dirigert Studinekoret Sirenene, Alt for Damene, Fjell Musikkskulekor og Sangkoret Lyderhorn. I fleire år underviste ho i song på Fjell Kulturskule og leia opplæringskoret Den Norske Sangskatten.

Espedal er mykje nytta som kurshaldar - både for koristar og kordirigentar. Ho har òg arbeidd på fleire prosjekt som kombinerer musikk og teater. I 2009 var ho dirigent i Festspillproduksjonen 'Elephant Stories' av Tore Vagn Lid.